قبل يومين بس ! ... و بما أن اعيال اختي كانوا عندنا وفي رعايتنا نتيجة لـ سفر والديهم الكرام 
قلت أسرررردها ! .. وبعد أن حل المساءْ فتحت ع طلبات و قررنا نطلب آيس كريم !!
وطبعاً بعد اخذ و عطا و ساعات من الفرارة ع محلات الآيس كريم الموجودة في موقع طلبات !
استقرينا ع Home Berry ! ... واللي آيس كريمه عبارة عن روب { زبادي } مثلج !!
طبعاً أنا ما سبق لي و جربت هالروب المثلج اللي صجّونا فيه وهاللي أشوف الناس في الإفنيوز طوابير عليه !!
قلت يلا منها نجربه ! .. مع أن محد مدح لي اياه من اعيال اختي !!
بس هم قلت بجررررررررررررررررب وبشوف !
وطبعاً قصيت عليهم وقلت لهم ان آيس كريم عادي مو روب !! .. عشان نطلب كلنا 
والله وطلبت ... وطلبت لنفسي أكبر كوب مع كل الفواكه ! ...
المهم عشان اختصر الوقت و المسافة والأسطر ! ..
وصل المحروس ! ... و ارتز عند باب البيت و فتح دريشة البوكس مالهم بشكل مُميز والإضاءة ساقطة ع المطبخ الصغير
اللي داخل سيارتهم وقعد يسوي الآيس كريم المطلوب ! ... اتصل علي عشان انزل اطالعه وهو يسوي بس مالي خلق
نزلت اليهاااااال وقعدوا يطالعون وقلت لهم خل يخلص ويعطيكم الطلب 
...
...
المُهم وصل ...
طبعاً بنت اختي من أول جم قفشه لاعت جبدها واكتشفت اني قاص عليها وان روب مو آيس كريم ! .. ما عجب احد !
انا عاد !!!!!!!!!!!!!!!!!!!!!!!!
و والله تقريباً خلصت الفواكه اللي عليه كلها ! ... وقلت لهم ان عادي مافيه شي طعمه !!
صج ان الروب المثلج طعمه شوي فيه حموضه لكن عادي !! ...
و عدت الليلة على خير و نمت يوم السبت ....
وصحيت الأحد ع اساس استفتح بداية الأسبوع بالدوام
لكن !! ............
حاشتني لوعة مو طبيعية !! ... أحس بحموضة هالروب المثلج فـ بلعومي !! ... استغفر الله !!
المهم تحايلت ع نفسي وقمت لا كليت ولا شربت شي و بدلت و رحت الدوام وانا مالي خلق شي !!
ما غير أدردع بهالماي !! ... و واضح علي التعب !!
لا ومن حسن حظي اني داومت متأخر لأن لما رحت إلا بعض الزملاء مسوين ريوق !!
قلت بقلبي : والله فاضيين !! ... واشوى اني ما ييت مبجر لأن صعب جداً أقنعهم أن جبدي ومالي خلق آكل شي !!
المهمممم ما ادري شلون داومت ولا ادري شلون الدوام البطيء عدا شوي شوي ... لحد ما خلص و رديت البيت !
كنت أبي سفن آآآآآآآآآآآآآآآآآآآآآآآآآآآآآآآآآآآآب .. أبي شي يهضم أبي فوار أبي أي شي !! ... ومن حسن الحظ ان ماكان فيه !
قزرت بالماي لقاح { مشروبي المفضل لول } ... ع ما يبت لي سفن اب مع عصرة ليمونه و رشة ملح
و تششششششششششششششش .. فوار مريح وشربته !
خذيت شوربه ! ... قلت يمكن تركد جبدي شوي لكن ماااااااااااش
المُهم قعدت ع سريري جني بغرفة عمومي وجدامي اللاب توب وعاااااد بي الحنين إلى الوراء 
لدرجة فتحت فيها اليوتيوب وطحت ع مسرحية اطفال قديمة لـ هدى حسين { الذيب والعنزات } خاصة ان ماكنت شايفها كامله قبل
وماغيررررررر اشرب هالشوربه واطالع ! ... عل وعسى تروح هاللوعه
المهم وبعدما خلصت نمت ...
وصحيت ... إلا يا الله !! ... اللوعه ما راحت !!
المُهم قلت خلاص اصكها طبيه اليوم ! ... وفعلاً صكيتها و بالمستوصف قلت حق الدكتورهـ
وطلع التشخيص أن احتمال بداية نزلة معوية { قالتها مع إبتسامة خبرة } 
...
...
وعطتني دوا فّوار اخذه 3 مرات باليوم عن اللوعه وقالت لي ع اساس هاليومين احاول اتجنب كل شي ثقيل وما آكل إلا خفايف !!
المهم وقعت لي ع الطبيه لمدة يوم واحد ع اساس اني بداوم باجر ...
وبليل لما حسيت نفسي اشوى رقعت كل كلام الدكتوره بالطووووووفه و طلبنا من ...........
هيهيهيهيهيهيهييهي 
!
!
المهم وبعدها بـ4 او 5 ساعات نمت ...
وصحيت اليوم ... إلا احس { تكرمون طبعاً تكرمون } اللوعه واصلة لآخرها لدرجة احس نكهة الهمبرجر فـ بلعومي لوول
شسالفة ؟! ... المهم قمت رحت اتجهز حق الدوام ... بعدها قلت : من صجي ؟ أي دوام أي بطيخ بهالحاله ؟!!
على طول طقيييييييييييتهاااااااااااا سفن اب + ليمون + ملح
واللي يضحك ان من كثر حماسي عصرت الليمونه كامله بكوب العصير الصغير وانطره يفورررررر ولا فار
اساساً طارت الغازات بس هم شربت !!
و وصيت احدى الزميلات بمسج ع جم شغله بالدوام ع اني بداوم باجر ان شاء الله ...
وطبعاً رديت رحت المستوصف العصر ... ومددت طبيتي اليوم بعد ع نفس العلاج !
ولا زلت احس بـ هاللوعه توصل ززززززززززززززلاعيمي من يوم ما احد يطري هالـ بيري !!
طبعاً انا ما أقول أن من هالمحل نفسه 
بس يعني يمكن معدتي ما تقبلته !!
بس يعني يمكن معدتي ما تقبلته !!
بعدين يا عالم يعني رووووووووب مثلج ؟ 
!! .. الله يزيد النعمه
!! .. الله يزيد النعمه
ادعوا لي بس تخف هاللوووووووعه اللي ما هي راضيه تروح !!
على فكرة والله وانا اكتب هالموضوع وانطر متى بخلص لوووووووووووووعه ياجماعة الخير لوووووووووووعه !!!
عسى الله يشفيني
قولوا آمين ؟؟؟
