مَـســاءْ الـجُــوُرِيْ
بِما أن مُدونّتي تَقريباً تُعتبر يديدهـ ! ...
وبمَا أني مقصرْ فيها جداً و كِلْ يكُون ودي أضيفْ فيها
وأطلقْ لقلمي العنَانْ لذكر بعضْ من تفاصيلي بشكلْ يومي 
إلا أن الكسلْ نوعاً ما يخليني اتثيقل !
لكنْ اليُوم لما حسيتْ أن فيني طاقة وشوق لـ التدوينْ
قلتْ مَالي إلا أرجع لها من يديد
وعشان أرجع رجعة حلوهـ
لازم موضوع رجعتي يكون أحلى !
وبـ صراحة ما لقيت أحلى من مطعمي المُفضّل !
كَافيه بزه 
.. و ودي أحط بعد كلمة بزه قلوب من أهني لحد آخر مدونّه بالبلوقر 
كافيه بزه .. من الكافيهات أو المطاعم اللي اطلعت من سنه تقريباً إذا مو أكثر !
واشتهرت شهرة واسعة جداً ونالت على اعجاب الكل
ليش ؟!
لأن ببساطة تميّز بـ الأكل الكويتي البحتْ ...
بدايتي معاهـ قبل أقل من سنه تقريباً ...
لما شفت له دعاية حلوهـ ع قناة الوطن في إحدى البرامج
وعجبني وايد ديكورهـ ! .. وبعدها اتفقنا أنا و صاحبي أن نروح ونجربه
الحلو أني تقريباً زرت أغلب فروعه بالكويت
بدايتي معاه كانت في :
جمعية الشامية ...
وبصراحة انصدمنا من لذة الأكل { ناااااااااااااااااطع }
البرياني عندهم شي خيالي وكذلك المجابيس !
بعدها انهديت عليه هده مو طبيعيه لول
حالياً يمكن أكون زرته مو أقل من 10 مرات !
وكل مرة أذوق عندهم شي وأكتشف أن حلو كذلك !
جرّبت :
- برياني لحم
- برياني دياي
- مجبوس لحم
- مجبوس دياي
- مربيّن
- حميسة روبيان
وكذا طبق ... وبصراحة الطعم لا يُعلى عليه !
أحس أن هالمطعم صك على كل المطاعم الكويتية !
يكفي ديكوراته الحلوه اللي فيها كل شي عتيج و حلو
وجدرانه المزيّنة بأجمل الأمثال الكويتية
هذا { كافيه بزه } اللي مقابل شارع الخليج
المنيّو مالهم جميل جداً ومُميّز بحكاية بزّة { البنت الصغيرونة }
تدخلك جو رهيبْ
على فكرة ! .. أنا أستخسر في بزهـ أني أطلب أي عصير !
لأن مشروبي المفضل عندهُمْ هو { الفيمتو }
واللي يسوونه بطريقة عجيبه ولذيذه جداً جداً جداً 
ع قولتهم : { مثل الدبقْ باليدين }
وهذا العِيـــشْ ... وقتها كنت طالب برياني لحم
ريحـــته خنينــــــــــه
وتخيل أن أول مرة بحياتي أخلص الصحن كامل بمطعم !
لـ و و و و ل ... أكله جنه أكل بيت ماشاء الله !
أما الحلو .. فـ حدّث ولا حرَجْ !
طبقي المفضل .. بسكوت مع قيمر و كاكاو
مع أن هالأكله من زمان كنا نسويها بالبيت
بس طعمها عندهم ثاني !
وهذا الشاي بالهيل ...
ولا زلتْ مُدمنْ { بزّهـ }
بزهّـ .. حالة عشقْ لنْ تنتهي
فرُوع { كَافيه بزهـ } :
- بنيد القار ع البحر
- جمعية الشامية { الطابق الثاني }
- السالمية { مقابل لـ سيتي سنتر }
